- 寵物 Walker（威爾斯哥基）、Bei Bei（比熊犬）
- 數量 2 隻
- 目的地 英國
- 出發日期 2025 年 12 月 31 日
- 品種類型 一般品種
- 特別安排 經歐洲轉運 · 多隻同行
呢個個案有兩個變數同時出現：路線本身有難度，出發前仲有突發狀況。而最後兩隻狗都順利入到英國 —— 關鍵係有人即時做判斷，唔係硬碰。
出發前：路線限制加上突發傷口
由香港帶寵物去英國，一般唔可以當「寄艙行李」處理，通常只可以走「貨運形式」（Manifest Cargo），或者先飛歐洲再轉陸路或船入英國。直航貨運價錢高，旺季艙位亦緊張。我哋同主人揀咗「先飛歐洲、再轉 Pet Taxi 陸路入英國」嘅方案。
同期法國航空縮減寄艙位，每班只可以運一隻寵物。對要同時運兩隻狗嘅家庭嚟講，呢個係實質風險 —— 如果太遲先訂位，兩隻可能要分開兩班機，甚至要等好幾個星期。
更棘手嘅係：臨上機前，Walker（威爾斯哥基）被發現身上有紅腫傷口。航空公司有權就動物健康狀況拒絕運載，所以呢一刻必須即刻判斷 —— 到底係皮外傷（可以飛），抑或需要延期。
我哋點樣處理
首先，Dr. Tommy 即時檢查 Walker 嘅傷口，確認只係皮外傷、唔影響飛行安全，即場處理好傷口並記錄，避免航空公司臨場拒載。同時，兩隻狗嘅機位早早就鎖定，所以法航收緊寄艙位政策之後唔受影響。到埗之後，歐洲去英國嘅陸路段同清關由我哋安排，直送去新屋。
結果
兩隻狗狗順利過關入英國。Bei Bei 最鍾意同家人行街；外向嘅 Walker 仲識到新朋友（一隻 American Bully），兩隻狗喺草地上自由奔跑。
「經歐洲」係一條值得考慮嘅路線
對要同時運多隻寵物嘅家庭，歐洲轉運可以更靈活咁分配艙位，陸路段亦可以安排 Pet Taxi，中途有休息同活動時間。當然，路線要配合寵物嘅年齡、品種同健康狀況，唔係所有情況都適合。想了解兩個目的地嘅要求，可以睇寵物移民英國同寵物移民歐洲。我哋亦實地考察過愛爾蘭⇄英國嘅坐船路線，詳見成功個案。